hanafi.kz Жақында "вконтакте" әлеуметтік желісінде уахабилік-псевдосәләфиттік парақшалардың бірі сопылыққа қатысты жазба жариялаған болатын(vk.com/manhazhassalafkz?w=wall-43465684_1632). Біріншіден жазбадағы ғалымдар сөздері толық түрде берілмей қырқып алынса, екіншіден, әлгі сындар сопылық атын жамылып, шариғат шеңберінен шыққан жалған тариқатшыларға бағытталған болатын. Ал, бұл білімсіз шіркіндер, оларға үш қайнаса сорпасы қосылмайтын біздерді осы сөздермен жазғыруға тырысты. Мақсат қайтсе де аяқтан шалу, қайтсе де муфтиятты мұқату. Мына сілтемеде ол жазбаға қатысты қысқаша түрде жауап берілді (vk.com/hanafi_atyrau?w=wall-54102428_9308). Алдағы жазбаларымызда, сопылыққа қатысты кеңірек сөз қозғайтын боламыз, иншә Алла! Енді негізгі мәселеге оралсақ, әлгі уахабилер жазбаларына скриншот ретінде, әһлу суннаның үлкен ғалымы шейх Рамадан әл-Бутидің (Аллаһ оны мейіріміне бөлесін) үстіне екі қызыл сызық (крестик) қойылған суретін жариялапты. (Бәтшағарлар шейхтың тырнағына да татымайды ау!) Шейх көзі тірісінде, сәләфилермен қатты күресіп, оларға радд ретінде көптеген құнды кітаптар жазды, пікірталастар жүргізді. Әһлу сунна жолын теріс түсініктен қорғады. Төмендегі бейнежазбада,псевдосәләфиттердің басына көтеретін ғалымы Шейх Әлбани рахимахуллаһ пен Шейх Рамадан әл-Бути (Аллаһ оны мейіріміне бөлесін) пікірталасы нәтижесі баяндалады. Сондай-ақ, бұл жазба сәләфилердің адасуда жиналған жамағат екенін, шынайы сопылықты ұстанып, төрт мазхабтың үкіміне ерген үмметтің тура жолда екенін тағы да бір дәлелдеп бергендей...

Be the first to comment